-
Превела: Вита Абраши-Кајтази
- 25. август 2026. 23:27
- Учешће у:
Këngëtarja Taylor Swift ka folur hapur për mënyrat që përdor për të përballuar famën dhe presionin e madh që vijnë me karrierën e saj.
Gjatë një bisede në “Grammy Museum’s Icon Sessions”, këngëtarja ka treguar se një nga mënyrat e saj për t’iu kundërpërgjigjur kritikëve është t’i “ngacmojë” edhe ajo, madje duke përdorur qëllimisht fjalë të komplikuara, ka shkruar ФемалеФирст.
“Ndonjëherë, kur njerëzit tallen me mua, është shumë argëtuese t’u përgjigjem duke u tallur edhe unë me ta. Ndonjëherë më pëlqen të përdor fjalë që ata duhet t’i kërkojnë në internet përpara se të flasin keq për mua”, ka thënë ajo.
Swift, 36 vjeçe, ka pranuar se gjatë viteve ka zhvilluar disa “mekanizma përballimi” për ta menaxhuar jetën nën vëmendjen e vazhdueshme të publikut.
Ajo ka thënë se shpesh i kujton vetes se e ka zgjedhur vetë këtë jetë dhe se mund të ishte larguar përpara se fama të bëhej tepër e madhe.
такође
Допринос Дуа Липе британској економији
“Ti e zgjodhe këtë. E ke zgjedhur çdo ditë. Mund të kishe hequr dorë në çdo moment, përpara se gjithçka të bëhej e pakontrollueshme. Por unë vendosa të mos e bëj, sepse e dua kaq shumë”, ka thënë ajo.
Për Swift, gjithçka ia vlen për sa kohë që mund të vazhdojë të bëjë muzikë.
Edhe pse përballet me kritika dhe komente negative, këngëtarja ka thënë se përpiqet të fokusohet te fansat që e mbështesin dhe te arsyeja pse vazhdon të krijojë muzikë.
“E kuptova se bëj muzikë sepse luaj për fansat. Ua jap njerëzve që kujdesen për të dhe që e shohin muzikën si një mënyrë për ta përballuar jetën, ashtu siç e kam bërë edhe unë”, ka thënë ajo.
такође
Тејлор Свифт након трауматичних концерата „Ерас турнеје“: Желела сам да нестанем
Në fund, Swift ka theksuar se muzika nuk duhet të jetë një mënyrë për të kërkuar miratimin e të gjithëve.
“Nëse e kupton se të publikosh muzikën që ke krijuar dhe që e do nuk është rruga drejt miratimit nga të gjithë, por përsëri vazhdon ta bësh, atëherë e do muzikën për arsyet e duhura”, ka thënë ajo.
