Кајли Џенер: Моје богатство није наслеђено

Ylli televiziv Kylie Jenner ka hedhur poshtë pretendimet se pasuria e saj është rezultat i trashëgimisë familjare, duke pranuar megjithatë se privilegjet që ka pasur i kanë dhënë një avantazh të madh në fillimet e karrierës, ka shkruar ФемалеФирст.

29-vjeçarja, ka arritur statusin e miliarderes falë suksesit të brendit të saj të produkteve të bukurisë “Kylie Cosmetics”.

“Asnjë nga paratë që kam fituar ndonjëherë nuk është e trashëguar, kështu që teknikisht është e vërtetë… por njerëzit thjesht mendojnë se privilegji që kam pasur ka qenë një pikënisje shumë e madhe”, ka thënë ajo.

Jenner po fokusohet gjithashtu në të ardhmen e brendit së saj të modës “Khy”, të cilën e lansoi në vitin 2023. Ajo ka thënë se synon ta shndërrojë atë në një markë më të qëndrueshme dhe me identitet të qartë.

“Jam shumë e emocionuar për të ardhmen e ‘Khy’. Ribrendimi ka të bëjë më shumë me krijimin e veshjeve klasike dhe të përjetshme, duke u larguar pak nga bashkëpunimet dhe duke kuptuar më qartë se kush jemi, çka përfaqësojmë dhe çfarë rrobash duam të krijojmë”, ka thënë ajo.

Jenner ka plane ambicioze për zgjerimin e kompanisë dhe beson se moda kërkon një hapësirë fizike për të krijuar një identitet të plotë.

“Për veshjet të duhet diçka fizike, një ndërtesë, për të krijuar një botë”, ka thënë ajo.

Ajo më herët e ka përshkruar "Khy" si një “hapësirë fantastike për shprehje krijuese”.

Jenner ka thënë se frymëzim të madh për stilin e saj e gjen në Paris, ku ka realizuar edhe disa fotosesione për “Khy”.

“Parisi është padyshim qyteti më elegant. Gjithmonë frymëzohem kur kaloj kohë atje dhe kam realizuar edhe disa fotosesione të ‘Khyt’ atje, sepse më pëlqen shumë energjia e qytetit”, ka thënë ajo.

Ylli, e cila është në lidhje me aktorin Timothée Chalamet, ka dy fëmijë, Stormi dhe Aire, nga lidhja e mëparshme me reperin Travis Scott.