Presidenti i Serbisë, Aleksandar Vuçiq, ka komentuar deklaratat e presidentes së Komisionit Evropian, Ursula von der Leyen dhe presidentit të Këshillit Evropian, Antonio Costa, që kanë thënë se janë shokuar nga pamjet e djeshme të funeralit të kriminelit të luftës Ratko Mlladiq.
Mlladiq u varros të hënën në Beograd me nderime, përkundër thirrjeve nga Bashkimi Evropian që një i dënuar për gjenocid të mos glorifikohet. Mlladiq vdiq në fund të muajit të kaluar në Hagë ku po vuante burgim të përjetshëm për gjenocid. Ai njihej si "Kasapi i Ballkanit".
Vuçiqi tha se ka respekt për Von der Leyenin e Costan, duke thënë se ata “kanë qenë gjithmonë në anën e Serbisë”.
“Për këta dy persona nuk kam asgjë të keqe për të thënë. Ata kanë qenë gjithmonë në anën e Serbisë dhe do të respektoj çfarëdo që ata të thonë apo të bëjnë, ndaj meje apo ndaj kujtdo tjetër që është në pushtet në Serbi. Ata janë sjellë në mënyrë korrekte ndaj vendit tonë”, tha Vuçiqi për "RTS".
Duke folur për deklaratën, Vuçiqi tha se ajo ishte hartuar me kujdes.
“Unë do të veçoja prej saj diçka që nuk e kuptoj plotësisht. Si mendoni t’u përcaktoni njerëzve se kush mund të shkojë në funeral dhe kush jo, e pastaj të tronditeni nga pamjet nga Beogradi? Dhe në deklaratë thoni se kjo ndodh për shkak se dikush i glorifikon njerëzit si heronj”, tha Vuçiqi.
Presidenti i Këshillit Evropian Antonio Costa dhe presidentja e Komisionit Evropian Ursula von der Leyen, i kanë quajtur shokuese pamjet nga Beogradi, ku të hënën është varrosur me nderime të larta i dënuari për gjenocid, Ratko Mlladiq.
„Сцене са сахране Ратка Младића јуче у Београду биле су шокантне. Ратко Младић је осуђен за ратне злочине. Осуђен је на доживотну робију за геноцид, ратне злочине и злочине против човечности. Умро је док је служио доживотну казну за геноцид у Сребреници и друге злочине. Елементи званичне подршке и присуство неких српских званичника на сахрани су дубоко за жаљење. Ово је неуспех у суочавању са мрачним поглављем у новој европској историји и против је вредности које воде Србију ка ЕУ“, наводи се у објавама исте садржине председнице Европске комисије Урсуле фон дер Лајен и председника Европског савета Антонија Косте. „Наше мисли данас су са жртвама злочина почињених на простору бивше Југославије“, наводи се у изјавама двојице шефова две главне институције Европске уније.
Vuçiqi theksoi se Serbia duhet të jetë e vetëdijshme për fuqinë e saj dhe “për raportin e madhësisë së Serbisë me Evropën”.
Ai tha se Serbia do të vazhdojë ta ruajë paqen dhe stabilitetin, të përparojë dhe ta forcojë ushtrinë e saj.
“Ata kanë krijuar aleanca ushtarake! Kroacia, Prishtina dhe Tirana, jo ne! Dhe tani thonë: Serbia po armatoset? Jo, ne do të shikojmë që të na shkelni dhe të kryeni agresion ndaj vendit tonë”, tha Vuçiqi.
Vuçiqi tha se zgjedhjet e parakohshme parlamentare në Serbi do të mbahen më 25 tetor.