Boksieri shqiptar Kristian Prenga ka dhënë mesazhin e tij para përballjes së madhe me Anthony Joshuan.
Meçi mes yllit britanik, Joshua, dhe Prengës do të zhvillohet të shtunën në Jeddah të Arabisë Saudite.
Boksieri shqiptar ka thënë se është përgatitur maksimalisht për këtë sfidë dhe se do të hyjë në ring i gatshëm për të dhënë më të mirën e tij.
“Jam i gatshëm. Kam punuar shumë dhe jam stërvitur fort për këtë moment. Do të jap gjithçka nga vetja për t’ju bërë krenar të gjithëve. Shpresoj që edhe këtë herë t’ju bëj krenar, si gjithmonë”, ka deklaruar Prenga.
