-
Превела: Вита Абраши-Кајтази
- 20. август 2026. 15:00
- Учешће у:
Studimi i ri nga Universiteti i Oulus në Finlandë sugjeron se njerëzit që pinë më shumë kafe kanë tendencë të kenë më pak yndyrë trupore dhe abdominale, si dhe më shumë masë muskulore, ka shkruar Science Daily.
Studiuesit analizuan të dhënat e 2,264 personave, të gjithë rreth 46 vjeç, dhe krahasuan konsumin e zakonshëm të kafesë me përbërjen trupore, treguesit metabolikë dhe hormonet.
Personat që konsumonin më shumë kafe kishin nivele më të ulëta të yndyrës totale dhe të yndyrës viscerale, pra yndyrës që grumbullohet rreth organeve të brendshme.
Ata kishin gjithashtu më shumë masë muskulore, edhe pse indeksi i masës trupore (BMI) të tyre ishte i ngjashëm me atë të personave që pinin më pak kafe.
Konsumi më i lartë i kafesë u shoqërua gjithashtu me nivele më të ulëta të disa aminoacideve që, kur janë vazhdimisht të larta, lidhen me rezistencën ndaj insulinës dhe rrezikun për diabetin e tipit 2.
такође
Утицај кафе на памћење, расположење и здравље црева
Ndryshimet hormonale ishin veçanërisht të dukshme te meshkujt. Konsumi më i lartë i kafesë u lidh me profil më të favorshëm të glukozës dhe insulinës, si dhe me nivele më të larta të testosteronit total dhe një proteine të quajtur SHBG.
Te gratë, lidhjet hormonale ishin më të kufizuara, por konsumi më i lartë i kafesë u shoqërua gjithashtu me nivele më të larta të SHBG dhe me nivele më të ulëta të disa androgjeneve të lira.
“Kafeja konsumohet çdo ditë nga miliona njerëz, por ende dimë çuditërisht pak për mënyrën se si lidhet me metabolizmin dhe hormonet. Ajo që na ra më shumë në sy ishte një profil i veçantë hormonal, i cili vazhdonte të shfaqej edhe pasi morëm parasysh BMI-në dhe faktorët e stilit të jetesës”, ka thënë, Luca Verroest autor kryesor i studimit.
Kjo nuk do të thotë domosdoshmërisht që kafeja të dobëson. Studiuesit theksojnë se bëhet fjalë për një studim vëzhgues, ndaj nuk mund të provohet se kafeja është shkaku direkt i humbjes së yndyrës apo rritjes së muskujve.
Është e mundur që faktorë të tjerë të shpjegojnë një pjesë të këtyre ndryshimeve. Studiuesit po vazhdojnë të hetojnë nëse vetë kafeja shkakton këto ndryshime dhe cilat substanca në të mund të jenë përgjegjëse.
такође
2-3 шољице кафе дневно могу смањити ризик од деменције, али не ако је без кофеина
Finlanda është ndër vendet ku konsumohet më shumë kafe në botë, me rreth 11.8 kg kafe për person në vit.
Pra, studimi është interesant, por nuk është ende arsye për të filluar të pini më shumë kafe me qëllim dobësimin ose rritjen e muskujve. Nevojiten studime të tjera, sidomos prova klinike te njerëzit, për të kuptuar nëse kafeja ka vërtet një efekt të drejtpërdrejtë.
