Me nderime të larta është varrosur veprimtarja dhe humanistja Flora Brovina. Gjatë ditës janë mbajtur homazhe në hollin e Kuvendit të Kosovës, aty ku Brovina ishte deputete nga radhët e PDK-së. Ndërsa në ceremoninë, është kujtuar puna dhe sakrifica e saj, para, gjatë dhe pas luftës
Aktivistja për të drejtat e njeriut dhe ish-deputetja Flora Brovina është varrosur me nderime të premten në Prishtinë.
Për veprimtaren, Brovina, në ceremoninë përkujtimore kanë folur bashkëveprimtarë, mjekë dhe ish-pjesëtarë të Ushtrisë Çlirimtare të Kosovës duke i kujtuar kontributin në shërbim të vendit.
Kryetari i Lidhjes së Shkrimtarëve të Kosovës, Shyqri Galica, tha se ajo nuk u ndal kurrë me veprimtarinë humane e patriotike para, gjatë dhe pas luftës.
“Me ballë lart nuk u ndal asnjë çast për të furnizuar kolegët me armë, me uniforma, me barna e shërbime, me pajisje shëndetësore dhe me kurajën që ishte qenësore në atë kohë. Edhe në liri u dëshmua si veprimtare, humaniste e atdhetare fisnike”, ka thënë Galica.
Kryetari i Odës së Mjekëve të Kosovës Pleurat Sejdiu, duke vlerësuar kontributin e Brovinës, e quajti atë “luanesha shqiptare”.
“Sot në emër të Odës së Mjekëve të Kosovës dhe Këshillit të Mjekëve, përkulemi me respektin më të thellë para jetës dhe veprës së Flora Brovinës. Flora i takon atij brezi të hershëm të mjekëve shqiptarë në Kosovë, të cilët profesionin e mjekësisë nuk e patën vetëm si punë, por mision. Ajo në profesionin e vet të mjekësisë nuk u kufizua vetëm brenda mureve të spitalit apo ambulancës. Përreth viteve ’90 ajo është angazhuar edhe si gazetare në “Rilindja”, ku e pa rëndësinë se sa është e nevojshme dhe e dobishme komunikimi me popullatën, ndërgjegjësimi i saj për nevojat e shëndetit publik”, është shprehur Sejdiu.
Ish-i burgosuri politik, Bajrush Xhemajli, foli për arrestimin dhe burgosjen e Brovinës, duke rikujtuar periudhën e saj të qëndrimit në burgjet e Kosovës dhe të Serbisë.
“Pikërisht për veprimtarinë e saj patriotike çlirimtare, Flora u arrestua, u burgos dhe u dënua me 12 vjet burg. Prandaj, edhe kalvari i vuajtjeve të saj ishte pa fund. Ndarja larg fëmijëve e familjes në qelitë e ftohta të burgjeve të Kosovës e pastaj transferimi në burgjet serbe, njëherë në Pozharevc e pastaj në Nish. Në këto burgje, siç do të dëshmojë edhe vetë pas çlirimit të saj, u mbajt e izoluar pjesën më të madhe të kohës së dënimit”, ka thënë Xhemajli.
Në mesin e shumë qytetarëve që bënë homazhe pranë arkivolit të saj në hollin e Kuvendit të Kosovës, ishte edhe ushtruesja e detyrës e presidentes, ministra e deputetë si dhe krerë të partive politike.
Флора Бровина била је једна од познатих личности отпора и јавног живота на Косову. Године 1992. основала је Албанску женску лигу, преко које се залагала за права жена и деце, као и за хуманитарну помоћ.
Током рата на Косову, остала је у Приштини и наставила своје хуманитарне и медицинске активности.
Дана 20. априла 1999. године, ухапшиле су га српске снаге и затвориле у Србији. У децембру 1999. године, суд у Нишу осудио га је на 12 година затвора по оптужбама за терористичке активности. Одлуку је касније поништио Врховни суд Србије и случај је враћен на поновно суђење.
Organizatat ndërkombëtare për të drejtat e njeriut e konsideruan rastin e saj politik dhe kërkuan lirimin e saj. Pas rreth 19 muajsh burgim, u lirua në nëntor të vitit 2000. Për veprimtarinë e saj, u nderua me çmime ndërkombëtare.
Ajo ishte deputete në radhët e PDK-së dhe nënshkruese e Deklaratës së Pavarësisë së Kosovës.
Flora Brovina ka vdekur më 15 shtator në moshën 76-vjeçare.