Policia e Kosovës ka bërë të ditur se është ndaluar për 48 orë një person lidhur me rastin e vdekjes së një punëtori në një vendpunishte në Ferizaj të hënën.
Një 54-vjeçar ka humbur jetën pasi ka rënë nga lartësia. Policia ka bërë të ditur se është ndaluar një 31-vjeçar nën dyshimin për “Asgjësim, dëmtim ose heqje të pajisjeve mbrojtëse dhe rrezikim të sigurisë në vendin e punës”.
“Viktima është M.M., 54 vjeç, ndërsa B.T., 31 vjeç, është ndaluar për 48 orë nën dyshimin për veprën penale „Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës“”, ka njoftuar zëdhënësi i Policisë për rajonin e Ferizajt, Kanun Veseli.
