Një person është rrahur nga disa të tjerë në Vushtrri e më pas është dërguar në QKUK për trajtim.
Policia ka njoftuar se në vendngjarje ka gjetur një veturë të aksidentuar si dhe disa fishekë.
Rasti është iniciuar si vrasje në tentativë.
“Lidhur me rastin, viktima mashkull kosovar është dërguar për tretman mjekësor në QKUK, pasi i njëjti dyshohet se është rrahur nga disa persona të panjohur me mjete të forta. Në vendin e ngjarjes është hasur një veturë e aksidentuar, katër gëzhoja, një karikator me pesë fishekë si dhe brenda veturës një fishek tjetër. Rasti është duke u hetuar”, thuhet në raportin e PK-së.