Një person ka vdekur si pasojë e një aksidenti në mes të një automjeti dhe një motoçiklete, që ka ndodhur të mërkurën në mbrëmje në fshatin Llukar të Prishtinës.
“Sot rreth orës 20:20, kemi pranuar informatën se në fshatin Llukar të Prishtinë, ka ndodhur një aksident trafiku. Në këtë aksident ka qenë i përfshirë një automjet dhe një motoçikletë. Si pasojë e aksidentit motoçiklisti ka vdekur. Vdekja e viktimës (mashkull) është konstatuar nga ekipi mjekësor në QKUK”, ka thënë zëdhënësja e Policisë për rajonin e Prishtinës, Flora Ahmeti.
Ajo ka thënë se me rastin po merret njësiti i trafikut rajonal.