Futbollistët e Kosovës janë kthyer menjëherë të premten në stërvitje. Tani fokusi është te ndeshja e së dielës ndaj Austrisë, që zhvillohet nga ora 18:00 në Vjenë.
“Në stërvitjen e sotme, përzgjedhësi Franco Foda kishte në dispozicion 16 futbollistë, ndërsa 11-shja startuese e ndeshjes së mbrëmshme zhvilloi seancën e rigjenerimit në hotel”, ka njoftuar FFK-ja.
“Atmosfera në kampin dardan është pozitive dhe energjia është në nivelin më të lartë. Tashmë, i gjithë fokusi është te përgatitjet për sfidën e së dielës në Vjenë”.