Avioni, që po fluturonte nga Dubai drejt Tel Avivit, ka pësuar një rënie jashtëzakonisht të shpejtë mbi Arabinë Saudite, pak më shumë se dy orë pas ngritjes nga Dubai.
Kjo konfirmohet nga të dhënat e gjurmimit të fluturimit të "Flightradar24".
Pak para orës 05:21, avioni po fluturonte në një lartësi të regjistruar prej 10,400 metrash.
Brenda më pak se dy minutash, ai kishte zbritur me më shumë se 5,200 metra.
Rreth 10 minuta më vonë, nga avioni është dhënë një sinjal emergjence dhe të dhënat në dispozicion tregojnë luhatje të konsiderueshme dhe të vazhdueshme të lartësisë gjatë pjesës së mbetur të fluturimit drejt aeroportit të Tabukut në Arabinë Saudite.
Mediat lokale izraelite kanë raportuar se njëri nga pilotët, i cili ishte nga Omani, ka tentuar të rrëzojë avionin.
