Policia e Kosovës ka filluar të hedh gaz lotsjellës drejt protestuesve pasi të njëjtit kanë bllokuar hyrjet e Kuvendit të Kosovës dhe kanë sulmuar me mjete piroteknike. Protestuesit thonë se nuk do të lejojnë deputetët të dalin nga Kuvendi pa u votuar ndryshimi i Ligjit për Specialen.
Paradite protestuesit kanë hedhur edhe mjete piroteknike drejt Kuvendit me ç’rast kanë thyer xhamat.
Paraprakisht, protestuesit me dhunë kanë kapur edhe deputetin e Lëvizjes Vetëvendosje, Fahrush Rexhepi dhe e kanë kthyer drejt Kuvendit.
Gjithashtu dhunshëm e kanë kapur edhe ish-zëvendëskryeministrin e Kosovës, Besnik Bislimi drejt Qeverisë së Kosovës. Ai më pas, bashkë më zyrtarët policorë që po e mbronin u sulmua edhe me ujë nga protestuesit.
