Nesër në orën 11:00 do të mblidhet Kryesia e Kuvendit.
Sipas njoftimit në faqen e Kuvendit të Kosovës, në rend dite do të jetë propozimi për formimin e komisioneve parlamentare, shqyrtimi i Raportit të shpenzimeve të Kuvendit të Kosovës për vitin 2025 dhe çështje të tjera nga fushëveprimtaria e Kryesisë.
“Në rend dite do të jetë propozimi për formimin e komisioneve parlamentare, shqyrtimi i Raportit të shpenzimeve të Kuvendit të Republikës së Kosovës për vitin 2025, si dhe çështje të tjera nga fushëveprimtaria e Kryesisë”, thuhet në njoftim.