Sociologu Fadil Maloku ka thënë se Partia Demokratike e Kosovës do të pësonte dëme elektorale, politike dhe morale nëse do ta çonte në Kuvend çështjen e zhbërjes së Gjykatës Speciale.
Maloku ka bërë thirrje për solidaritet dhe përgjegjësi politike përballë aktgjykimit dënues ndaj ish-drejtuesve të UÇK-së, duke vlerësuar se çështja duhet të trajtohet në mënyrë institucionale.
“PDK-ja, nëse e çon në Kuvend zhbërjen e Speciales, ka me humb shumë. Së pari elektoralisht, politikisht dhe moralisht. Ky është dëmi që mundet me iu shkaktu. Unë po them dhe rekomandoj që të ketë një solidaritet politik, moral dhe një lloj përgjegjësie para kësaj sfide që duhet me u kalu në mënyrë institucionale”, ka thënë Maloku në “60 Minuta” të KTV-së.
Ai ka theksuar se çështja nuk duhet të trajtohet me eufori dhe se tani duhet të pritet vendimi i Apelit.
“Nuk shkon kjo me eufori. Krejt Kosova m’u kall, nuk merret kush me këtë punë, aktgjykimi ka marrë fund. Tash duhet të presim deri të vjen Apeli. Duhet që këtij aktgjykimi t’i përgjigjemi institucionalisht”, ka deklaruar Maloku.
Првостепени Специјални суд је 16. септембра осудио Хашима Тачија на 25 година затвора, Јакупа Краснићија на 25, Кадрија Веселија на 18 и Реџепа Сељимија на 13 година затвора.