Deputet i Lidhjes Demokratike të Kosovës, Avdullah Hoti, e ka komentuar vendimin që Kosova të eksportojë thëngjill në Maqedoninë e Veriut përgjatë tri vjetëve të ardhshme.
Hoti ka thënë se kushdo që merr vesh në ekonomi e kupton që ky vendim tregon varfëri ekonomike për vendin dhe mungesë të vizionit për zhvillim. Ai e ka quajtur udhëheqjen e Lëvizjes Vetëvendosje të padijshme të mbrapshtë.
Ministrja në detyrë e Ekonomisë, Artane Rizvanolli, ka njoftuar së fundmi se Korporata Energjetike e Kosovës (KEK) do të eksportojë thëngjill në Maqedoninë e Veriut në vlerë prej 73.2 milionë euro.
“Ky na qenka 'tranzicioni energjetik' i Kosovës nën udhëheqjen e VV-së. Kushdo që merr vesh në ekonomi, e di se vendi që eksporton lëndë të parë dhe importon produktin e gatshëm të prodhuar plotësisht nga ajo lëndë e parë, siç është rasti konkret, tregon varfërinë e vet ekonomike dhe mungesën e vizionit për zhvillim. Sa të padijshëm e sa të mbrapshtë”, ka shkruar Hoti në një reagim në Facebook.
-
Влада тражи од САД подршку за гасификацију угља, а не за укључивање у регионалну мрежу
-
Цене нафте настављају да расту
-
Јавни аларм биће тестиран у суботу
-
Време данас углавном сунчано, температуре до 33 степени Целзијуса
-
ПДК и Алијанса упозоравају на масовне протесте ако се конститутивна седница не настави