-
Од:
Радио Слободна Европа
- 11. септембар 2026. 18:57
- Учешће у:
Gjykata e Apelit e ka rrëzuar një dënim me nga një vit burgim ndaj ish-kryeministrit të Kosovës, Agim Çeku, dhe 9 të tjerëve në rigjykimin e rastit “Veteranët”, duke i liruar nga akuzat që të gjithë, pasi tha se nuk është provuar se ata kishin kryer veprën penale që u ngarkohej.
Në një vendim të 9 shtatorit, Apeli ka konstatuar se Prokuroria nuk e ka provuar se ata e kanë keqpërdorur pozitën e tyre me dashje për t’u dhënë statusin e veteranit personave që nuk i plotësojnë kushtet.
Vendimi i Apelit u mor pas ankesës së mbrojtjes së Çekut dhe të tjerëve ndaj vendimit të gjykatës së shkallës së parë në verën vitit 2025.
Gjykata Themelore në Prishtinë i kishte shpallur fajtorë dhe i kishte dënuar me nga një vit burgim Çekun, ish-ministrin e Mbrojtjes, Rrustem Berisha, ish-deputetin Shkumbin Demalijaj, pastaj Sadik Halitjahan, Qelë Gashin, Shukri Bujën, Ahmet Dakun, Faik Fazliun, Fadil Shurdhajn dhe Xhavit Jasharin.
Ajo i ngarkonte ata për keqpërdorim të detyrës zyrtare dhe për dëmtim të buxhetit të shtetit në vlerë mbi 88 milionë euro.
Në rastin e njëjtë, Nuredin Lushtaku dhe Smajl Elezaj ishin shpallur të pafajshëm për akuzat e njëjta.
Në vendimin e 9 shtatorit, Apeli e mbajti në fuqi aktgjykimin lirues të Themelores për Lushtakun dhe Elezajn pas ankesës së Prokurorisë.
Prokurorët kishin argumentuar se numri i përfituesve të jashtëligjshëm nga statusi i veteranëve mund të jetë deri në 19 mijë njerëz.
Према оптужници коју је припремио бивши специјални тужилац Елез Бљакај, умешана лица су наводно злоупотребила своје службене дужности и овлашћења од 2011. до 2017. године, поступајући као чланови Владине комисије за признавање и верификацију статуса националног мученика, инвалида, ветерана, припадника и интернираног лица рата Ослободилачке војске Косова, намерним прекорачењем овлашћења и неизвршавањем службених дужности, како би незаконито, континуирано, на штету државног буџета, остварила корист за друга лица.
Megjithatë, Apeli tha se në vendimin e tij vendosi se provat nuk e arrinin nivelin e nevojshëm për të vërtetuar se ata, individualisht dhe me dashje, kishin kryer veprën penale për të cilën ishin dënuar.
Sipas të dhënave të Qeverisë së Kosovës, statusin e veteranit luftëtar e kanë mbi 53 mijë persona.
Prej tyre, gati 37 mijë janë përfitues nga skema për veteranët e luftës, sipas të dhënave të Agjencisë së Statistikave të Kosovës.
Veteranët e luftës së viteve 1998-‘99 në Kosovë, të cilët janë të papunësuar, marrin pension mujor që nga viti 2015.
Pas rritjes së fundit në janar të këtij viti për 20 për qind, pensioni i tyre mujor është 204 euro.