Gjykata kroate ka dënuar me gjashtë vjet burgim ish-shefin ekzekutiv të Dinamo së Zagrebit, Zdravko Mamiqin për fshehje të tatimit dhe përfitim personal nga shitja e lojtarëve kroatë në klubet evropiane. Për të njëjtat akuza janë dënuar edhe dy zyrtarë të Dinamos.
Vëllai i Zdravkos, Zoran Mamiq, ish-trajner i Dinamos, është dënuar me katër vjet e 11 muaj burgim. Damir Vërbanoviq që është zyrtar i lartë në Federatën e Futbollit të Kroacisë, është dënuar me tre vjet burgim.
Milan Pernar, zyrtar i taksave, është dënuar me katër vjet e dy muaj burgim.
Të dënuarit ishin të akuzuar për fshehje të tatimit në vlerë prej 12.2 milionë kuna (1.2 milionë dollarë) dhe kanë vjedhur 116 milionë kuna nga transferimet e lojtarëve.
-
6 qershor 2018 14:30
-
Shpërndaje në: