Golden State nis furishëm

Golden State nis furishëm

16 prill 2018 11:40

Tash që Golden State Warriors është në plejof, Draymond Green është i bindur se skuadra e tij nuk është ajo skuadër që ka vuajtur në muajin e fundit të stinorit të rregullt.

“Ne jemi kampion”, ka thënë Green, pasi Golden State triumfoi thellë, 113:92, në shtëpi ndaj San Antonio Spurs të shtunën mbrëma, në ndeshjen e parë të serisë çerekfinale të plejofit në Konferencën Perëndimore në NBA, shkruan ESPN, transmeton “Koha Ditore”. “Ne e dimë se çfarë duhet në këtë kohë të vitit për të fituar. Ne duam të kthehemi pavarësisht se çfarë po thonë gjithë të tjerët”.

Kampioni në fuqi i NBA-së fitoi vetëm shtatë nga 17 ndeshjet e fundit të stinorit të rregullt. Disa

lojtarë ia kishin atribuar përfundimin e dobët të stinorit faktit se Golden State nuk kishte asgjë për çfarë të luante në javën e fundit, pasi kishte siguruar vendin e dytë në Konferencën Perëndimore.

Të tjerët faktit se kishin luajtur më të tërhequr, duke evituar ndonjë lëndim eventual. Një fakt tjetër është se skuadra u desh të luante dhe ende po luan pa superyllin Stephen Curry.

Green, që realizoi 12 pikë, tetë kërcime dhe 11 asistime, ka paralajmëruar të gjithë që të mos mashtrohen nga finishi i dobët i Golden State në stinorin e rregullt... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA

Komentet

Shto koment

Të ngjashme