Ricciardo befason të gjithë në Shanghai Foto: Reuters

Ricciardo befason të gjithë në Shanghai

16 prill 2018 10:50

Daniel Ricciardo ka bërë një sërë tejkalimesh mbresëlënëse për të siguruar një fitore befasuese të dielën në garën e Shpërblimit të Madh të Kinës në Formula 1, pasi strategjia e vendosur nga skuderia e tij Red Bull gjatë daljes së veturës së sigurisë në shteg u shpagua.

Australiani, që nisi garën nga pozita e gjashtë startuese ndërsa kishte qenë shumë pranë të humbiste kualifikimet, shfrytëzoi më së miri gomat e reja për të përfunduar 8.8 sekonda para pilotit finlandez të Mercedesit, Valtteri Bottas, shkruan Reuters, transmeton “Koha Ditore”.

“Më duket se nuk i fitoj garat e mërzitshme”, ka thënë Ricciardo në podium duke qeshur, para se të pinte shampanjë nga “këpuca e garës”. “ Të gjitha fitoret e mia kanë qenë argëtuese, por kjo ishte fitore e papritur”.

Finlandezi i Ferrarit, Kimi Raikkonen, zuri vendin e tretë, por dy rivalët kryesorë për titull, Lewis Hamilton i Mercedesit dhe Sebastian Vettel i Ferrarit, kanë pasur një garë për të harruar, pasi kampionët e katërfishtë të botës përfunduan në pozitën katër përkatësisht tetë.

“Isha në tokën e askujt sot. Nuk kisha fare temp”, ka thënë britaniku Hamilton.

Gjermani Vettel, që fitoi dy garat e para të stinorit, ka parë epërsinë e tij ndaj kampionit në fuqi Hamilton të zvogëlohet nga 17 në nëntë pikë... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA

Komentet

Shto koment

Të ngjashme