Verratti i gatshëm të kthehet në Serie A

Verratti i gatshëm të kthehet në Serie A

27 mars 2017 14:06

Mesfushori i Paris Saint-Germain nuk përjashton mundësinë që të kthehet në kampionatin italian.

Marco Verratti është një prej lojtarëve më të kërkuar në tregun e futbollistëve dhe këtë verë është e mundshme që ai të ndërrojë ambient, transmeton tch.

Në mesin e shumë skuadrave që interesohen për 25-vjeçarin, janë edhe dy gjigantët italianë, Juventus dhe Inter, që duan ta kthejnë atë në vendlindje, raporton kp.

“Tani për tani jam shumë mirë në Paris, do të bisedoj me klubin dhe do të gjejmë zgjidhjen më të mirë”.

“Serie A është një ligë shumë e fortë, ashtu si edhe ato të Spanjës e Anglisë dhe një ditë nëse do të largohesha nga Parisi, do të shqyrtoja mundësitë që kam”.

“Ekipet si Interi dhe Juventusi janë shumë të forta ekonomikisht dhe janë të gatshme të investojnë për t’u përforcuar. Juve është një prej skuadrave më të forta në botë dhe nëse një ditë largohem nga këtu, nuk e kam problem të kthehem në Serie A”, ka përfunduar Verratti. 

Komentet

Shto koment

Të ngjashme