Skuadra nga Ligue 1, Paris Saint-Germain po insiston në transferimin e portierit të Manchester Unitedit, David de Gea.
Lajmi është bërë i ditur nga e përditshmja franceze "L'Equipe".
Mësohet se për transferimin e spanjollit në fund të këtij edicioni, PSG-ja është e gatshme të paguajë dëmshpërblim deri në 75 milionë euro.
De Gea 27-vjeçar është pjesë e Manchester Unitedit prej vitit 2011 dhe ende nuk e ka rinovuar kontratën, që i skadon vitin e ardhshëm.
Ai këtë edicion ka 36 paraqitje në të gjitha garat dhe po vlerësohet ndër portierët më të mirë në Premier League.
Në rast se dështon transferimi i De Geas, atëherë skuadra franceze do të kthejë sytë nga Thibaut Courtois (Chelsea) dhe Gianluigi Donnarumma (Milan).
-
13 mars 2018 13:02
-
Shpërndaje në: