Ekipi i Atletico Madridit pa probleme ka mposhtur Celta Vigon me rezultat 3:0, në kuadër të javës 28 të La Liga.
Madrilenët aktualisht renditen në pozitën e dytë në tabelë, pas Barcelonës.
Të përzgjedhurit e Diego Simeones realizuan fitoren e 19-të në La Liga dhe fitoren e dhjetë nga gjithsej 11 takime të fundit në të gjitha garat, transmeton KosovaPress.
Antoine Griezmann në minutën 44 shënoi golin e parë për Atleticon, pas ekzekutimit të goditjes nga këndi.
Vitolo ishte preciz në minutën 56, pas pasimit fantastik të Griezmannit, duke ngritur epërsinë në 2:0. Për rezultatin përfundimtar prej 3:0 u përkujdes Angel Korea në minutën 63.
-
11 mars 2018 20:09
-
Shpërndaje në: