Drita pret Vëllaznimin për kupë

Drita pret Vëllaznimin për kupë

06 mars 2018 10:49

Ndeshja ndërmjet Dritës dhe Vëllaznimit do ta hapë serinë çerekfinale të Kupës së Kosovës në futboll.

Kjo ndeshje zhvillohet të martën (sot) në stadiumin e qytetit në Gjilan prej orës 13:00, ka bërë të ditur Federata e Futbollit të Kosovës (FFK).

Kjo do të jetë përballja e dytë mes Dritës dhe Vëllaznimit brenda pesë ditësh, pasi të njëjtat ekipe u përballën të premten po në Gjilan në kuadër të Vala Superligës, duke barazuar 1:1. Drita është e dyta në kampionat me 37 pikë, gjashtë më shumë se Vëllaznimi që renditet në pozitën e nëntë.

Ndërkohë të mërkurën do të zhvillohet derbi i çerekfinales së Kupës. Skuadra e Llapit e pret në shtëpi Prishtinën që është lidere në kampionat.

Llapi ka startuar dobët, duke regjistruar tri humbje në tri ndeshjet e para të pjesës pranverore. Dueli tjetër çerekfinal që luhet të mërkurën është ai ndërmjet Gjilanit dhe Vushtrrisë, i cili do të zhvillohet në Ferizaj.

Edhe këto ndeshje startojnë në orën 13:00. Në gjysmëfinale pa lojë është kualifikuar Drenica që pret tri skuadrat e tjera pas këtyre ndeshjeve çerekfinale.

© KOHA. Të gjitha të drejtat janë të rezervuara.

Komentet

Shto koment

Të ngjashme