Bayerni ende nuk ka vendosur për të ardhmen e Jamesit

Bayerni ende nuk ka vendosur për të ardhmen e Jamesit

01 mars 2018 11:38

Drejtori ekzekutiv i Bayern Munichut, Karl-Heinz Rummenigge, ka njoftuar se klubi ende nuk ka vendosur nëse do të kompletojë transferimin e James Rodriguezit nga Real Madridi.

Kolumbiani ka treguar formë të mirë që prej huazimit dyvjeçar te klubi gjerman. Bayerni ka të drejtë që huazimin ta kthejnë në marrëveshje permanente nëse i paguan Realit 42 milionë euro për të, por mediat spanjolle kanë raportuar se “Mbretërit” mund ta përfshijnë në ofertë kolumbianin për Robert Lewandowskin.

Duke folur për Bayern TV, Rummenigge e ka bërë të qartë se klubi nuk do të vendos për të ardhmen e Rodriguezit deri në kohën kur do të skadojë huazimi i tij.

“Ishte ide e Carlo Ancelottit që ta transferojmë dhe ishte ide shumë e mirë. Ai është zhvilluar shumë mirë, sidomos me Jupp Heynckes”, ka thënë Rummenigge.

“Ai është bërë lojtar i rëndësishëm për ne. Teknikisht është i mirë dhe ka një goditje të mrekullueshme. Po fitojmë shumë nga ai sepse po e organizon lojën”, ka shtuar ai.

“Është i huazuar për dy vjet, pastaj kemi opsionin për ta blerë atë për 42 milionë euro, nëse nuk gaboj. Janë shumë e madhe parash, edhe pse kemi parë të jenë paguar shifra të çmendura gjatë verës”.

© KOHA

Komentet

Shto koment

Të ngjashme