Barcelona e nisi keq takimin e sotëm ndaj Gironas duke pësuar gol qysh në minutën e tretë kur shënoi Portu për epërsinë e Gironës.
Megjithatë ajo epërsi e mysafirëve zgjati vetëm dy minuta, pasi ishte Suarez që barazoi shifrat pas asistimit të Messit në minutën e 5, transmeton Koha.net.
Më pas Suarez ia ktheu asistin Messit kur po zhvillohej minuta e 30 për epërsinë e parë të Barcelonës. Argjentinasi shënoi edhe njëherë pas gjashtë minutave për ta çuar rezultatin në 3 me 1.
Suarez shënoi edhe njëherë në pjesën e parë, një minutë para fundit pas asistimit nga Coutinho.
Në minutën e 66 radha për të shënuar i erdhi Coutinhos, i cili me një goditje të bukur jashtë zonës së rreptësisë dërgoi topin në rrjetë. Për të asistoi Suarez.
Kurse në minutën e 76 Luis Suarez kompletoi “hat-trickun” duke shënuar me lehtësi pas asistimit nga Dembele, për rezultatin përfundimtar 6 me 1.
Barcelona vazhdon të jetë lidere, tani me 65 pikë, dhjetë pikë më shumë se ndjekësi i parë Atletico Madridi. Kurse Girona në vendin e 9 ka 34 pikë.
-
24 shkurt 2018 22:39
-
Shpërndaje në: