Massimiliano Allegri ka konfirmuar se Juventusi do të jetë pa Paulo Dybalan në derbin kundër Fiorentinas, derisa për këtë ndeshje është rikthyer Douglas Costa.

Dybala pritej që të rikthej nga lëndimi për këtë ndeshje, por trajneri italian nuk e ka ftuar për udhëtimin në Florencë.

“Ka shanse ta shohim Marchision, të dielën e pamë Claudion, ai luajti 20 minuta në vend të Matuidit”, ka thënë Allegri.

“Cuadrado do të mungojë dhe të gjithë e dimë rastin e tij. Dybala, Howedes dhe Matuidi nuk do të jenë të gatshëm ndërsa të tjerët po”.