Juventusi nuk do të mund të llogarisë në mesfushorin francez, Blaise Matuidi, për ndeshjet me Tottenhamin në Ligën e Kampionëve.
Matuidi është lënduar në ndeshjen e djeshme ndaj Sassuolos të cilën Juventusi e ka fituar me rezultat të thellë 7:0.
Mesfushori francez ka pësuar një lëndim në kofshë dhe është dashur të largohet nga fusha qysh në pjesën e parë, ndërsa ai pritet të mungojë të paktën një muaj, transmeton KP.
Kësisoj, Matuidi do të humbasë ndeshjet me Fiorentinën, Torinon, Atalantan dhe Lazion në Serie A, si dhe dy sfidat e Ligës së Kampionëve ndaj Tottenhamit.
Matuidi është transferuar këtë verë te Juventusi nga skuadra franceze, Paris Saint-Germain.
-
5 shkurt 2018 23:24
-
Shpërndaje në: