Sport

Van Persie: Dua të jem model për të rinjtë

Sulmuesi Robin van Persie ka thënë se dëshiron të jetë shembull për lojtarët e rinj te Feyenoordi.

14 vjet pasi u largua nga klubi holandez, RVP u rikthye në ligën Eredivisie pasi shkëputi kontratën me Fenerbahçen.

Van Persie është transferuar që t’i ndihmojë Feyenoordit në garën për titull, por sulmuesi veteran dëshiron të ketë rol më të madh në klub.

“Kam bërë një rrugëtim fantastik prejse u largova nga Feyenoordi 14 vjet më parë, por jam i lumtur për rikthimin. Kam stërvitur me ekipin dhe ndjehem mirë. Por të ndjehesh mirë nuk është njëjtë sikur të luash ndeshjet dhe duhet kohë për të arritur në atë nivel”, ka thënë Van Persie.

“Shpresoj që të jem shpresë për lojtarët e rinj, siç bëri Bergkampi, Henry dhe Vieria me mua tek Arsenali”.