Sport

Wenger thotë se lojtarët e tij humbën koncentrimin ndaj Bournemouthit

Trajneri i Arsenalit, Arsene Wenger, ka kritikuar lojtarët e tij për mungesë përqendrimi në humbjen 2 me 1 nga Bournemouthi të dielën.

Hector Bellerin realizoi golin e parë në ndeshje, por Bournemouth u kthye me dy gola nga Callum Wilson dhe Jordan Ibe për të mposhtur “Topçinjtë”.

Tani skuadra e Wengerit është pa fitore në pesë ndeshjet e fundit në të gjitha garat dhe mbetet pesë pikë prapa top-katërshes.

“Ishim 1 me 0 dhe papritmas pësuam dy gola dhe nuk e dimë nga erdhën. Është frustruese”, ka thënë francezi për BBC. “Ju nuk mund t'ia lejoni vetes humbjen e përqendrimit”.

Arsenali të shtunën luan në shtëpi ndaj Crystal Palacet.