Futbollisti kosovar, Ardian Ismajli, i cili aktivizohet te Hajduku i Splitit në kampionatin kroat, ka hasur vështirësi në fillimet e tij me ekipin e Hajdukut.

21-vjeçari, kaloi nga 2 Korriku te gjiganti kroat, por ai pati një rrugëtim të vështirë me skuadrën kroate, duke u paraqitur në vetëm 5 ndeshje në kampionat.

Përkundër vështirësive në të cilat ka hasur mbrojtësi, ai ishte lider te Kombëtarja e Kosovës U-21. Kapiteni i Kosovës U21, beson se do të jenë befasia në kualifikimet e evropianit.

Kosova U21, pas pesë ndeshjeve në fazën e grupeve, pozicionohet në vendin e pestë me shtatë pikë të tubuara.