Sport

Messi: Jemi më të mirë pa Neymarin

Ylli i Barcelonës, Leo Messi këmbëngul se skuadra është më e mirë pa Neymarin, pasi braziliani vendosi të largohej për te Paris SG për 222 milionë euro.

Argjentinasi ka deklaruar për gazetën spanjolle “Marca” se largimi i Neymarit ka detyruar të tjerët të ndryshojnë stilin e lojës.

“Humbëm një forcë të madhe në sulm, por kjo na ka favorizuar në aspektin mbrojtës”, citohet Messi. “Momentalisht jemi më të fortë në mesfushë dhe kemi një ekuilibër në skuadër që na bën më të qëndrueshëm në mbrojtje”.

Në fakt, Barça ka ruajtur portën e paprekur në 13 ndeshje në të gjitha kompeticionet ku ka marrë pjesë deri tani, ndërsa vetë Messi ka realizuar 16 gola, transmeton tch.

Më herët ai pati deklaruar se kishte mbetur i shtangur nga vendimi i Neymar për të lënë “Camp Nou”. “Deri ditën e fundit të turit tonë përgatitor në verë ai thoshte që nuk ishte i sigurt për vendimin që do të merrte”.