Sport

Kosova U21 merr një pikë në Azerbajxhan

Kosova U21 ka arritur të marrë një pikë në Azerbajxhan në kuadër të ndeshjes së gjashtë në Grupin 5 kualifikues për Europianin 2019.

Azerbajxhanasit dominuan sa i përket posedimit të topit, por rastet i takuan Kosovës. Megjithatë, në fund ekipet barazuan 0 me 0.

Në tabelën e këtij grupi, Kosova ka shtatë pikë. Ajo është e katërta me tri pikë prapa Irlandës, dy prapa Gjermanisë dhe me pikë të barabarta me Izraelin që është i treti. Për dallim nga Kosova që ka gjashtë ndeshje, tri të parat kanë vetëm nga katër. Në pozitat pesë dhe gjashtë janë Norvegjia dhe Azerbajxhani.