Sulmuesi i Barcelonës, Luis Suarez, ka thënë se do të dëshironte të kishte në ekip yllin e Liverpoolit Philippe Coutinho.
Sipas uruguaianit, Coutinho ka çfarë të ofrojë te klubi katalonas.
“Ai mund të ofrojë shumë. E njoh si person dhe si lojtar sepse kam luajtur me të, por të gjithë e dinë se Coutinho mund të kontribuojë. Sigurisht se ai do të donte të vinte këtu sepse është lojtar me ambicie dhe çdo lojtar dëshiron të vijë te Barça”, ka thënë Suarez për “Mundo Deportivo”.
Coutinho gjatë gjithë afatit kalimtar të verës është përfolur për një kalim në Katalonjë, por Liverpooli refuzoi të gjitha ofertat në drejtim të tij.
-
8 nëntor 2017 15:35
-
Shpërndaje në: