Feronikeli vazhdon të mos dorëzohet në luftë për titull të Superligës.
Kampioni në fuqi i Kosovës e mposhti në udhëtim Lirinë me rezultat 1 me 3, raporton Koha.net.
Mysafirët nisën takimin për mrekulli duke shënuar dy gola brenda dhjetë minutave. Ishte Mendurim Hoti ai që kaloi Feronikelin në epërsi në minutën e dytë, kurse në minutën e dhjetë shënoi Prokshi.
Pas tre minutave Liria e ngushtoi epërsinë përmes Chibuezes, por shpresat për një pikë në këtë takim Lirisë ia shoi Mevlan Zeka dukë shënuar në mintuëne 81.
Feronikeli me këtë fitore ngjitet në vendin e dytë me 45 pikë, gjashtë më pak se lideri Trepça ’89. Kurse Liria mban vendin e shtatë me 24 pikë.
Drita në anën tjetë shënoi fitoren e parë në pesë ndeshjet e fundit.
Ekipi Gjilanas e mposhti Drenicën me rezultat 2 me 1.
Për vendsit golat i shënuan Zeneli e Livoreka, kurse golin e vetëm për Drenicën e shënoi Granit Arifaj.
Drita mban vendin e dhjetë me 18 pikë, kurse Drenica dy vende më lartë ka 22 pikë.
-
12 mars 2017 15:11
-
Shpërndaje në: