Roma ka fituar ndaj Feyenoordit të enjten mbrëma me rezultatin 4:1, dhe është kualifikuar në gjysmëfinale të Ligës së Evropës.
Roma në gjysmëfinale do të luajë kundër Bayer Leverkusenit, ndërsa në gjysmëfinale u kualifikua me rezultatin e përgjithshëm, 4:2.
Ndeshja u vendos në vazhdime. Leonardo Spinazzola shënoi pas një ore lojë për vendësit, kurse Igor Paixao barazoi shifrat në 1:1, në minutën e 80-të. Lojën në vazhdime e dërgoi Paulo Dybala me golin e minutës së 89-të.
Në vazhdime, Roma shënoi edhe dy herë. Stephan El Shaaraëy në minutën e 101-të dhe Lorenzo Pellegrini në minutën e 109-të realizuan për fitoren e madhe të Romës.
Santiago Tomas Gimenez në minutën e 121 u ndëshkua direkt me të kuq te Feyenoordi.
Roma e Feyenoordi luajtën vitin e kaluar në finale të Ligës së Konferencës në “Air Albania” të Tiranës. Fituese ishte skuadra e Romës.
22:48
Dramë në Olimpico
Roma dhe Feyenoordi kanë realizuar nga një gol në ndeshjen e dytë çerekfinale të Ligës së Evropës, për ta bërë fundin dramatik në Olimpico.
Leonardo Spinazzola ka shënuar golin për skuadrën italiane, në minutën e 60-të, para se Igor Paixao të barazonte gjithçka 20 minuta më pas.
1:0 kishte fituar skuadra holandeze në ndeshjen e parë.
