Sport

SHBA-ja në fazën tjetër, eliminon Iranin

Goli i Christian Pulisicit në minutën e 38-të ka vendosur sfidën mes SHBA-së dhe Iranit. SHBA-ja ka fituar 1:0 për të avancuar në një të tetën e finales në Kupën e Botës në Katar.

Pulisic shënoi nga afërsia, ndërsa pësoi lëndim në duel me portierin iranian. Ai nuk u kthye në fushë për disa minuta për shkak të përplasjes, ndërsa u zëvendësua në pushim midis pjesëve.

Amerikanët kanë dominuar në pjesën e parë, ndërsa konkretizuan përmes Pulisicit.

Ndërkohë në pjesën e dytë Irani ka kërkuar barazimin që i duhej për avancim, por nuk gjeti rrugën drejt portës. Irani ka kërkuar penallti në fund, por arbitri vendosi ndryshe.

SHBA-ja përfundoi e dyta në grupin B me pesë pikë. Irani mbeti i treti me tri pikë dhe eliminohet. Grupin e ka fituar Anglia me shtatë pikë, ndërsa Uellsi mbeti i fundit me vetëm një pikë. Uellsi po ashtu është eliminuar.

Në një të tetën e finales, SHBA-ja luan ndaj Holandës, fitueses së grupit A. Kjo ndeshje luhet më 3 dhjetor.


SHBA-ja në epërsi pas pjesës së parë

SHBA-ja po shkon drejt fitores që i duhet për avancim nga faza grupore. Pas pjesës së parë amerikanët udhëheqin 1:0.

Christian Pulisic ka shënuar golin e vetëm në minutën e 38-të.

Me fitore, SHBA-ja kalon grupin.


SHBA-ja kalon në epërsi, i shënon Iranit

SHBA-ja ka kaluar në epërsi ndaj Iranit.

Në minutën e 39-të ka realizuar Christian Pulisic. Ai shënoi nga afërsia.

SHBA-ja ka dominuar deri më tani në fushë.

Kliko KËTU për ta parë golin


SHBA-ja po dominon, por ende nuk ka gola

Futbollistët e SHBA-së po sulmojnë më shumë në ndeshjen ndaj Iranit. Amerikanët kanë tentuar disa herë, por ende pa rezultat.

Shifrat mbesin 0:0. Me rezultatet aktuale, Irani avancon tutje.


Nis ndeshja Iran - SHBA

Ka nisur ndeshja Irani kundër Shteteve të Bashkuara të Amerikës, e vlefshme për Grupin B të Kupës së Botës.

Irani ka tri pikë në vendin e dytë, ndërsa SHBA-ja është e treta me dy pikë. Uellsi ka një pikë, ndërsa Anglia katër në vendin e parë. Gjithçka është e hapur në këtë grup.

Ndeshja po luhet në stadiumin “Al Thumama”.