Përfaqësuesja e Maqedonisë në basketboll ka arritur në Prishtinë të martën, ku do të zhvillojë ndeshjen e parë të fazës parakualifkuese për Kampionatin Botëror “Kina 2019”, ndaj Kosovës.
Maqedonasit kanë zhvilluar stërvitjen e parë në Pallatin e Rinisë dhe Sporteve në Prishtinë.
Trajneri i Përfaqësueses së Maqedonisë, Jordanço Davitkov, ndeshjen kundër Kosovës e ka vlerësuar të vështirë.
Për dallim nga trajneri Daviktov, alo-qendra maqedonase Gjorgji Çekovski, që në të kaluarën ka luajtur te Sigal Prishtina, shprehet i bindur se do të arrijnë fitore ndaj Kosovës.
Të kujtojmë që në këto ndeshje kualifikuese për Maqedoninë, nuk do të luajë Pero Antiq, basketbollisti i cili luan në Kampionatin më të fort në botë, NBA.
Të mërkurën dy përfaqësueset përballen në Pallatin e Rinisë dhe Sporteve në Prishtinë, me fillim prej orës 20:00.
-
2 gusht 2017 10:12
-
Shpërndaje në: