Sport

Rexhbeçaj tek Augsburgu, nënshkruan kontratë katërvjeçare

Elvis Rexhbeçaj së shpejti pritet të zyrtarizohet nga skuadra e Augsburgut të Bundesligës gjermane.

Mesfushori nga Prizreni do të jetë pjesë e Augsburgut për katër vjetët e ardhshëm, ndërsa Augsburgu do të paguajë dëmshpërblim prej 2 milionë eurosh, ka mësuar KOHA nga burimet afër lojtarit.

Kjo shumë e parave mund të rritet edhe më shumë në bazë të bonuseve.

Për Rexhbeçajn interesim kanë shprehur edhe Besiktasi, Sampdoria, Genoa, Schalke, Werderi e Stuttgarti.

Në sezonin e kaluar, mesfushori 24-vjeçar luajti në 36 ndeshje me skuadrën e Bochumit si i huazuar nga Wolfsburgu që e ka kartonin e tij. Pati dy asistime.

Rexhbeçaj si i huazuar ka luajtur edhe te Koelni.