Sport

Hendbollistët e UP-së në finale të Kupës Universitare

Hendbollistët e Universitetit të Prishtinës kanë shënuar fitore në gjysmëfinale të Kupës Universitare kundër Malit të Zi dhe janë kualifikuar në finale të garës.

Ndeshja gjysmëfinale ndërmjet hendbollistëve të Kosovës dhe atyre të Malit të Zi e zhvilluar të premten në palestrën “1 Tetori” në Prishtinë, përfundoi me rezultatin 43:30.

Hendbollistët e UP-së në finale do të luajnë kundër hendbollistëve të Koresë së Jugut, nga Universiteti Kangwon, që mposhti spanjollët e Universitetit UCLM.

Finalja luhet të dielën në orën 18:00, në palestrën “1 Tetori”.