Tinejxherja amerikane, Coco Gauff, ka shkuar në finalen e parë të një “Grand-Slami”, pas fitores në gjysmëfinalen e turneut “French Open”.
Ajo në finale do të takohet me numrin një të botës së tenisit në konkurrencën e femrave, Iga Swiatek.
18-vjeçarja Gauff fitoi 6:3 dhe 6:1 kundër tenistes italiane, Martina Trevisan, në Paris. Për italianen ishte gjysmëfinalja e parë në një garë të madhe.
21-vjeçarja Swiatek, nga ana tjetër, e shtroi rrugën për në finale pas fitores së lehtë 6:2 dhe 6:1 përballë bartëses së 20-të të turneut, Daria Kasatkina.
Polakja e shënoi fitoren e 34-t rresht dhe kaloi në finalen e dytë të një turneu madhor.
Swiatek, që është kampione e “Roland Garrosit” në vitin 2020, e ka humbur vetëm një set në turneun e tenisit në rërë në Paris sivjet.
Ndërkohë, Gauff që është bartëse e 18-të e turneut, u bë finalistja më e re në “Roland Garros”, që prej Kim Clijsters në vitin 2001.
-
2 qershor 2022 23:10
-
Shpërndaje në: