Bad News Eagles është kualifikuar në fazën “Legends Stage” në turneun më të madh në botë të CS:GO, PGL Antwerp Major.
Suksesin e arriti, pasi të enjten mposhti ekipin brazilian MIBR, 2:1 në "harta".
Në hartën “Nuke”, të zgjedhur nga ekipi brazilian, BNE u mposht 16:13, por shënoi rikthim të madh në dy hartat e ardhshme.
Në “Ancient”, në hartën e zgjedhur nga BNE, triumfoi bindshëm skuadra nga Kosova me rezultatin 16:8.
Në hartën “Vertigo”, që ishte edhe finale, BNE-ja fitoi 16:10, për ta prerë biletën për në fazën finale, ku do të takohet me ekipet më të mira në botë të CS:GO.
"Legends Stage" do të ketë edhe risi të tjera, pasi do të ketë edhe audiencë të drejtpërdrejtë.
Në pesë ndeshje të zhvilluara, BNE-ja realizoi tri fitore dhe dy humbje.
Ndeshja e radhës do të zhvillohet më 14 maj.
Kjo është e arritura më e madhe në CS:GO për Kosovën.
Formacioni i ekipit Bad News Eagles:
Flatron “juanflatroo” Halimi
Dionis “sinoppsyy” Budeci
Genc “gxx-” Kolgeci
Rigon “rigoN” Gashi
Sener “SENER1” Mahmuti
Klesti “stikle” Kola (Trajner)
-
12 maj 2022 18:10
-
Shpërndaje në: