Jetmir Topalli ka mbyllur një ndeshje të suksesshme të dielën në Turqi.
Topalli shënoi dy gola në fitoren e Istanbulsporit në udhëtim ndaj Menemensporit me rezultatin, 3:1.
Topalli shënoi golin e parë në minutën e 37-të, ndërsa realizoi edhe golin e tretë në minutën e 65-të.
Në 20 ndeshje, Topalli ka shënuar tetë gola dhe ka asistuar pesë herë.
Në golin e tretë asistues ishte mesfushori shqiptar, Eduard Rroca, që nga fusha u largua në minutën e 77-të.
Edhe Topalli u zëvendësua në minutën e 89-të, ndërsa Valon Ethemi luajti si titullar deri në minutën e 77-të. Istanbulspori është në vendin e katërt me 51 pikë.
-
10 prill 2022 22:31
-
Shpërndaje në: