Trajneri i Trepçës, Lubomir Minchev është shprehur shumë i lumtur që ekipi i tij ka kaluar në finale të turneut “Final Eight” të Kupës së Kosovës në basketboll.
Minchev ka përgëzuar basketbollistët e tij për këtë fitore. Ai tha se ata treguan një karakter të vërtetë dhe u rikthyen fuqishëm në pjesën e dytë dhe ia dolën ta eliminojnë Pejën në gjysmëfinale.
Trepça triumfoi me shifrat 83:76 përkundër që ishte në disavantazh prej 20 pikëve në fillim të çerekut të dytë.
“Çelësi i fitores tonë është angazhimi i lojtarëve dhe karakteri që e treguan sidomos në pjesën e dytë. Pas pjesës së parë, ne reflektuam si ekip dhe luajtëm shumë mirë si në sulm ashtu edhe në mbrojtje. Mendoj se angazhimi i lojtarëve ishte vendimtar për të shkuar në finale dhe jam shumë i lumtur”, ka thënë Minchev.
“E kemi një ditë që të përgatitemi për finalen dhe duhet t’i përmirësojmë disa gjëra, pavarësisht kundërshtarit që do ta kemi përballë”.
-
11 shkurt 2022 19:06
-
Shpërndaje në: