Përfaqësuesja U19 e Kosovës në futboll në konkurrencën e femrave, ka startuar me fitore në kualifikimet për “Euro 2022” që po mbahen në Poreç të Kroacisë.
Në ndeshjen e parë të Grupit 5 të Ligës B, Kosova ka triumfuar me rezultatin 3:0 ndaj Letonisë.
Në pjesën e parë, futbollistet kosovare shënuan dy gola përpara se të shënojnë edhe një tjetër në pjesën e dytë, që ta konfirmojnë fitoren përballe letonezeve.
Leunora Xhemaj (2’), Erona Bajrami (13’) dhe Fortesa Berisha (70’) kanë shënuar për fitoren e Kosovës.
Ndeshjen e radhës në këto kualifikime, Kosova e luan me Lihtenshtajnin (22 tetor) përpara se të përballet me Kroacinë (25 tetor), që është edhe dueli i fundit në grup në kuadër të raundit të parë kualifikues.
Kalimin në Ligën A (raundin e dytë kualifikues), e siguron ekipi që renditet i parë në grup, ndërsa tutje kalon edhe ekipi më i mirë i vendit të dytë prej gjashtë grupe ve të Ligës B.
-
19 tetor 2021 15:04
-
Shpërndaje në: