Tre shqiptarë luajtën për Lazion të enjten mbrëma kur skuadra italiane triumfoi përballë Lokomotivës së Moskës, 2:0, në kuadër të Grupit E të Ligës së Evropës.
Thomas Strakosha në portë dhe mbrojtësi Elseid Hysaj ishin titullar te lacialët, derisa reprezentuesi i Kosovës, Vedat Muriqi, u inkuadrua në lojë në minutën e 42-t në vend të Ciro Immobiles.
Muriqi pati mundësi të mira shënimi por nuk arriti ta tund rrjetën e portierit kundërshtar.
Kroati Toma Bashiq në minutën e 13-t dhe Patric në minutën e 38-t, ishin realizatorët e golave për skuadrën italiane.
Për skuadrën ruse ishte humbja e parë pas 10-t ndeshjeve rresht pa disfatë në të gjitha garat.
Në Grupin E, Lazio ka tri pikë nga dy ndeshje.
Lokomotiva e Moskës në vendin e fundit me një pikë.
-
1 tetor 2021 00:58
-
Shpërndaje në: