Sport

Asllani shkruan historinë me Real Madridin

Pas periudhës me koronavirus, Kosovare Asllani të mërkurën mbrëma është kthyer në fushën e lojës dhe shkroi historinë me Real Madridin në konkurrencën e femrave. Reprezentuesja e Suedisë me Real Madridin e siguroi fazën e grupeve të Ligës së Kampionëve.

Asllani me bashkëlojtare mposhti Manchester Cityn 1:0 në ndeshjen kthyese të zhvilluar në Angli. Golin e vetëm për madrilenet e shënoi Claudia Zornoza Sanchez në minutën e 44-t, ndërsa 32-vjeçarja Asllani hyri në lojë në minutën e 86-të.

Mitrovicasja që doli pozitive me koronavirus në fund të muajit gusht, mungoi në duelin e parë që përfundoi 1:1 në Spanjë.

Shorti për fazën e grupeve do të tërhiqet më 13 shtator.