Lorenzo Insigne ka vendosur të mbetet te Napoli. Sipas “Gazzetta dello Sport”, bisedimet në mes drejtuesve të Napolit dhe futbollistit janë drejt finalizimit.

Kontrata aktuale e Insignes skadon në vitin 2022. Por, klubi napolitan thuhet se ka gjetur marrëveshjen për vazhdimin e kontratës edhe për dy vite të tjera.

Insigne këtë sezon në Serie A, në dy ndeshje ka shënuar një gol

30-vjeçari është pjesë e klubit që nga viti 2012 kur u transferua nga Pescara.