Sport

Arsenali tërhiqet nga gara për Mbappen

Arsenali është tërhequr nga gara për Kylian Mbappen për t’u përqendruar në alternativat tjera të kësaj vere.

Tinejxheri francez ishte prioritet për Arsene Wengerin, por londinezët kanë pranuar se gara për transferimin e tij është shumë e vështirë.

Në mesin e klubeve të interesuara për Mbappen janë Real Madridi, Paris Saint-Germaini dhe Liverpooli.

Të enjten është raportuar se Arsenalit i është refuzuar një ofertë për Thomas Lemarin, por sot Daily Mail raporton se Wenger me çdo kusht synon transferimin e 22-vjeçarit nga Monaco dhe Alexandre Lacazetten nga Lyoni.