Milani është i interesuar për mesfushorin e Real Madridit, Dani Ceballos, shkruan “Calciomercato”.
Bëhet e ditur se klubi nga Madridi është i gatshëm ta shesë 24-vjeçarin, të cilin e kishte huazuar në dy vitet e fundit.
Raportohet se Reali kërkon 40 milionë euro për ta lënë të lirë spanjollin. Por, Milani mund të mos e përballojë shumën e lartë që kërkon Real Madridi për Ceballosin.
Mesfushori spanjoll ishte i huazuar tek Arsenali në dy edicionet e fundit. Në 77 ndeshje, ka realizuar dy gola dhe ka bërë edhe pesë asistime. Ai ka kontratë me Real Madridin deri në vitin 2023.
-
4 gusht 2021 10:10
-
Shpërndaje në: