Ezgjan Alioski do të largohet nga Leeds Unitedi gjatë kësaj vere.
Futbollisti shqiptar është futbollist i lirë, pasi nuk ka pranuar vazhdimin e kontratës me ekipin anglez.
Paraqitjet e mira me Maqedoninë e Veriut në Kampionatin Evropian kanë bërë që shumë skuadra të shprehin interesim për të.
Së fundmi, në garë për Alioskin ka hyrë edhe skuadra e njohur turke, Trabzonspor. Krerët e klubit turk thuhet se ia kanë dërguar ofertën lojtarit dhe janë në pritje të përgjigjes së tij.
Deri më tani Trabzonspori ka transferuar lojtarë të njohur si Bruno Perez, Gervinho e Marek Hamshik.
Për Alioskin interesim ka pasur edhe nga skuadra të tjera evropiane.
